(Tanong) Ako ay isang ina na hiwalay sa asawa na may pinapalaking mga anak sa Japan. Nahihirapan sa pamumuhay. Nangangailangan ng suportang pampinansyal .

(Sagot)
Kung ikaw ay nagpapalaki sa talagang anak ng isang Hapones at ngayon ay hiwalay na sa asawa at nag aaruga sa bata.Maaari kang manatili sa bansa bilang “Teijyuusya” (Permiso ng pagtigil ng pangmahabang panahon sa naturang bansa). Kung ikaw ay nasa ganitong katayuan, maaari ka ring mag-apply ng mga pampublikong suporta mula sa “Boshi Fukushi”,bilang nag iisang magulang na nagaaruga sa bata.
. Ilan sa mga ito ay:

1. ) “JidouTeate” Sustentong Pinansiyal para sa mga bata (Child Allowance)
(Hindi lamang para sa mga “Boshi Katei” (Fatherless Family)
Ipinagkakaloob sa isang pamilyang nagpapalaki ng isang batang may edad na 0 hanggang sa 15 taong gulang o makatapos ng Junior High School (unang marso 31 pagkatapos magdiwang ng panlabing limang kaarawan). Ang mga maaaring makatanggap nito ay ang mga naninirahan at nakumpleto ang pagrehistro upang manirahan sa naturang bansa. Maari ring makatanggap ang mga dayuhang residente kapag nakumpleto nila ang pagrehistro upang maging residente at nagpapalaki ng anak na may edad tulad ng nabanggit sa itaas. Ang suporta ay binibigay 3 beses sa isang taon (Hunyo, Oktubre at Pebrero) gamit ang account sa bangko ng taong nagpapalaki sa bata. Walang karapatang makatanggap ng suporta ang mga magulang na nagpapalaki ng batang nakatira sa ibang bansa maliban lamang kung nag-aaral ito. Mawawala naman ang karapatan ng mga dayuhang tumatanggap ng sustento kapag umalis ng bansa at mabura ang rehistro ng pagkaresidente sa listahan. Sa mga lumabas ng bansa na may dalang permiso ng muling pagpasok ay kinokonsiderang residente pa rin ng bansa at patuloy na makakatanggap ng suporta. May limitasyon depende sa suweldong natatanggap.
Kumonsulta sa “ Jidou Teate Tantouka” ( Child Allowance Section ) ng inyong City / Ward Office para makapagparehistro.

2. “ Jidou Fuyou Teate ” Suportang Pinansiyal para sa mga bata ( Child Support Allowance )
Ipinagkakaloob sa mga nag iisang magulang o tagapagpatnubay na nagpapalaki ng bata hanggang sa pinakaunang 31 ng marso pagkatapos ng ika-labing walong kaarawan ( o hanggang edad bente anyos para sa mga batang may kapansanan). Ang natatanggap na sahod ay isang batayan.
Ang mga makakapasa sa mga kondisyon sa ibaba ay maaaring mapagkakalooban ng sustento:

1. Kung ang mga magulang ng bata ay hiwalay o nagdiborsyo.
2. Kung ang ama / ina ng bata ay wala na.
3. Kung ang ama / ina ng bata ay may kapansanan na kinikilala ng ordinansya ng gobyerno
4. Kung ang ama / ina ng bata ay nawawala at hindi alam kung buhay pa o patay na.
5. Kung inabandona ng ama / ina ang bata sa loob ng isang taon o mahigit pa
6. Kung ang ama / ina ng bata ay napapasailalim ng “DV Hogo Meirei” (proteksyon ng hukuman ( pagmamaltrato atbp.)
7. Kung ang ama / ina ng bata ay nakulong ng isang taon o mahigit pa.
8. Kung ang bata ay ipinanganak sa labas ng matrimonyo ( anak sa pagkadalaga / sa pagkabinata )

Pakitandaan na ang “Jidou Fuyou Teate” (Child Support Allowances) ay hindi maibibigay sa mga sumusunod:

1. Kung ang tagapagtanggap at bata ay hindi naninirahan sa Japan
2. Kung ang tagapagtanggap ay tumatanggap ng pampublikong pension, maliban na lang kung Old Age Welfare Pension
3. Kung ang bata ay nasa isang “Jidou Fukushi Shisetsu”( child welfare facility ).

Para sa mga karagdagang impormasyon, kumonsulta sa mga sumusunod na homepage:
http://www.pref.osaka.jp/kateishien/teate/jifu.html

Ayon sa tuntunin, ang sustento ay matatanggap sa pamamagitan ng hulugan sa buwan ng Abril, Agosto at Disyembre, kalakip ang mga kalkulasyon sa mga buwang kasunod pagkatapos ng aplikasyon. Tinatanggap ang mga aplikasyon sa “Jidou Fuyou Teate Tantou Madoguchi” ( Child Support Allowance Division ) sa inyong city/ward office.

Ang mga iba pang mga sustentong matatanggap ng solong magulang ay ang mga sumusunod :

1. Ang “Boshi Fukushi Shikin Kashitsuke” (Welfare Fund Loans) para sa mga walang asawa ay nagpapautang para sa 12 klase ng aktibidades tulad ng pagsisimula ng negosyo, pagpapatuloy ng negosyo, pag-aaral, pagsasanay ng bagong karunungan, suporta sa paghahanap ng trabaho, pabahay, relokasyon, suportang pang-medikal, pananatili, kasal, pagsasanay, pag-aaral at pagpasok sa paaralan.
2. Ang “ Hitori Oya Katei Iryouhi Jyosei Seido” (tulong na pananalapi para sa pangmedikal na gamutan para sa mga solong magulang) ay sumasagot sa mga gastusin ng isang nag iisang magulang na nakapagtala sa “Kokumin Kenkou Hoken” ( Pampublikong Pangkalusugang Kasiguraduhan ( Public Health Insurance ) o “Syakai Hoken”(Social Insurance). Ang subsidiya ay maari ring matanggap ng mga solong magulang na ang natatanggap na sweldo ay mas mababa sa itinakdang halaga at nagpapalaki ng batang may edad 18 pababa. Ang “ Iryou Sho”(medical card) at “ Hokensho” (public or society health insurance card) ay parehong dapat isumite sa ospital upang makakuha ng subsidiya sa mga gastusing pangmedikal .
   
   Ang “ Suidou Gesuidou Shoryou no Genmen” (Remission sa bayad sa tubig at sewage) sa bahay ng isang solong magulang ay maaring matawaran hanggang sa ika-31 ng Marso pagkatapos gn ika-18 taong kaarawan ng bata (ika-20 kapag may kapansanan). Ang aplikasyon ay magagawa sa “Suidou Kyouku” (Water Bureau).
   
   May “ Boshi Katei Muke Kouei Jyuutaku” (mga inilaan na iilang pampublikong pabahay na maaring rentahan sa mga solong magulang),bago pero may mga kondisyon maka apply sa nasabing pabahay katulad ng income level at renta ay katulad ng doon sa mga regular na pampublikong pabahay. Ang mga babaeng nakaranas ng pagmamaltrato na nagdulot ng hiwalayan ay maaring mag-apply sa mga pabahay na inihanda ng gobyerno sa kadihalanang ang kanilang sitwasyon ay tugma sa mga solong magulang, at maaring makapaglahad ng ebidensya ng pagmamaltrato atbp.
   
   Ang “ Shichouei Jyuutaku” (ibang mga gobyenrnong pang municipal) ay nag-aalok ng mga pampublikong pabahay para sa mga solong magulang subalit ang mga rekisito ukol sa sweldo, paraan ng pangangalap at renta ay naiiba doon sa mga prefectyural na pabahay. Mainam na kontakin ang “Bosyuu Tantou Madoguchi” (housing section) ng iyong city/ward office.
   
   Ang “Boshi Katei Nado Nichijyou Seikatsu Shien Jigyou”(Daily Life Support Program) para sa mga solong magulang ay nagpapadala ng mga katulong ng mga solong magulang para tulungan sila sa kanilang pang-araw araw na pamumuhay o sa pag-aalaga ng mga bata kung kinakailangan ng panandaliang tulong dulot ng sakit o sugat o pagkakaroon ng interbyu sa trabaho o paaralan na isa sa mga parte ng pagsisikap na makabuo ng tiwala sa sarili.
   
   Ang “ Boshi Seikatsu Shien Shisetsu” (welfare facility naman para sa mga solong magulang) ay naghahandog ng lugar pahingahan para sa mga solong ina kasama ang kanilang mga anak na may edad labing-walo pababa. Hindi makakapangalaga sa kanila dahil sa ibat-ibang dahilan maaring manatili pareho ang ina at anak.
   Ang mga karagdagang impormasyon ay makikita sa “Osaka Fu Boshi Fukushi Center” (Welfare Section) ng inyong city office o sa Osaka Mother and Child Welfare Center.

Back to TOP